Loftbóludekk - fróðleikur

Þegar kemur að því að velja hjólbarða til vetraraksturs þá skiptir máli að kynna sér dekkin og eiginleika þeirra. Yokohama er einn af stærstu hjólbarðaframleiðendum í dag og leggur mikið upp úr gæðum og að standast ítrustu kröfur markaðarins.

Ein vinsælustu naglalausu dekkin okkar eru loftbóludekkin hjá Yokohama.

Hörð skel loftbólunnar

Gúmmíblandan í dekkinu er einstök. Í henni eru loftbólur sem hafa harða skel og brúnir grípa í svellið. Auk þess sýgur loftbólan í sig vatnið sem verður á veginum til þess að dekkið nái festu við yfirborð vegarins.

Vatnssogandi efni

Í gúmmíblöndunni eru auk loftbólunnar kísil- og kolefni sem soga í sig bleytu sem verður á veginum.

Þrívíddarflipaskurður

Þessi tegund skurðar tryggir viðnám í munstrinu og tryggir betri endingu og meira grip.

Yokohama er með loftbóludekkin í sífelldri þróun og þau hafa sannað sig í íslenskum aðstæðum.